«Այս իշխանությունը կատարելագործել է «գործ սարքելու» մեխանիզմը»․ Էդուարդ Հովհաննիսյան

Փաստաբան Էդուարդ Հովհաննիսյանի ֆեյսբուքյան գրառումը․ «Հայաստանի դե ֆակտո իշխանության ղեկավարը հայտարարում էր, թե «Հայաստանում գործ սարքելու ինստիտուտը վերացվել է»։ Սակայն փաստերն ասում են լրիվ հակառակը։
Երբ հավատքը քրեականացվում է, երբ բարերարությունը դիտվում է որպես մեղք, երբ համոզմունքը դառնում է մեղադրանք, դա կոչվում է ոչ թե «գործ սարքելու ինստիտուտի վերացում», այլ իրավական պետության կործանում։
Այս իշխանությունը ոչ թե վերացրել է գործ սարքելու մեխանիզմը, այլ կատարելագործել է այն՝ դարձնելով ավելի բացահայտ, կանխատեսելի, բայց նույնքան վտանգավոր։
Երբ դատարանը դառնում է իշխանության կամակատարը, երբ կալանքը՝ պատժի միջոց, ոչ թե կանխարգելիչ, երբ գործեր են հարուցվում ոչ թե հանցանքի, այլ անձի դեմ այդ երկիրը այլևս չի կարող կոչվել իրավական պետություն»։