Չինաստանը Տիբեթում մեգաամբարտակ է կառուցում. Foreign Policy

Չինաստանը Տիբեթում՝ Յարլունգ Ցանգբո գետի կիրճում, կառուցում է Մեդոգ հիդրոէլեկտրակայանի մեգաամբարտակը, և նախագիծը կարող է «բացասական հետևանքներ» ունենալ, հաղորդում է Foreign Policy (FP)-ն։
«Իմ հիմնական մտահոգությունը նախագծի ազդեցությունն է էկոլոգիայի և շրջակա միջավայրի վրա։ Բոլոր կոնկրետ նախագծերը գաղտնի են։ Մենք չենք կարող գնահատել նախագծի ճշգրիտ ազդեցությունը՝ որ բնակավայրերը կարող են ջրհեղեղի ենթարկվել կամ մասնատվել, գետի հոսքի արագության փոփոխությունները, ջրի ջերմաստիճանը, [ոչ էլ] գիտենք, թե ինչպես մեղմել այդ ազդեցությունները», - ասել է էկոլոգ Վենը, որը խնդրել է չհրապարակել իր անունը։

Տարածքը եզակի է. այստեղ է ձևավորվել աշխարհի ամենահյուսիսային արևադարձային անտառը։

Հրապարակումը նշում է, որ մտահոգություններ կան ամբարտակի սահմանային դիրքի և այն փաստի պատճառով, որ գետը, որի վրա այն կառուցվում է, անդրսահմանային է. այն նաև հոսում է Հնդկաստանով և Բանգլադեշով, որտեղ այն կոչվում է Բրահմապուտրա։

Չինաստանի իշխանությունները հուլիսին հայտարարեցին ամբարտակի շինարարության մեկնարկի մասին։ Նախագծի ընդհանուր ներդրումը կկազմի մոտավորապես 1,2 տրիլիոն յուան ​​(167 միլիարդ դոլար)։ Նախատեսվում է, որ Մեդոգը տարեկան կարտադրի մինչև 300 միլիարդ կիլովատտ-ժամ էլեկտրաէներգիա, ինչը երեք անգամ գերազանցում է աշխարհի ամենամեծ՝ Յանցզի գետի վրա գտնվող «Երեք կիրճերի» ամբարտակի հզորությունը։