«Շատ խնդիրներ չեն լուծվում, որովհետև չգիտենք լուծումը»․ Նիկոլ Փաշինյան

«Հայաստանի Հանրապետության առջև ծառացած բոլոր խնդիրների լուծման առանցքը կրթությունն է»,- Կառավարության նիստում ասաց վարչապետ Նիկոլ Փաշինյանը՝ շարունակելով․ «Չկա գեթ մեկ խնդիր, որի լուծումը չի անցնում կրթության միջոցով։ Ես վերհիշում եմ իմ գործունեությունը թե՛ որպես վարչապետ, թե՛ որպես պատգամավոր, և չեմ կարող հիշել որևէ հարց, որի լուծման հիմքում կրթությունը չլիներ։ Եթե գծվել է որևէ ուղղություն, որը չի անցնում կրթությամբ, ուրեմն դա լուծում չէ, դա պարզապես ձևակերպում է, որը արդյունք չի տալու»,-ասաց վարչապետը։
Այնուհետև քննարկվող այլ հարցերի շրջանակներում Փաշինյանը կրկին շեշտեց․ «ՀՀ-ում շատ խնդիրները չեն լուծվում, որովհետև չգիտենք խնդիրների լուծումը։ Ավելին՝ չգիտենք խնդրի պարամետրը, կորդինատը»։