«Մինչ լուրջ դեմքով բաներ եք խոսում, մեմերը ձայներ են հավաքում»․ Զառա Հովհաննիսյան

Իրավապաշտպան, հրապարակախոս Զառա Հովհաննիսյանի ֆեյսբուքյան գրառումը. «Այնքան եմ ուզում իմանալ, թէ ով է Փաշինյանի PR խորհրդատուն։ Այս վերջին մեմային հրապարակումները նախընտրական են, լիովին տեղավորվում են PR տեխնոլոգիաների շրջանակներում, նպատակ ունեն նախ ներգրավելու լիարժեքորեն ապակուսակցական ու քաղաքական անցուդարձին չհետաքրքրվող կամ արդեն այդ լարված փոխհրաձգությունից հոգնած զանգվածներին, առաջին հերթին կայֆարիկ երիտասարդությանը, մյուս մեսիջն էլ ուղղված է յուրաքանչյուրին, ասելիքն էլ այն է, որ ես քեզ նման մեկն եմ, ընտրելով ինձ, դու ընտրում ես ինքդ քեզ, իմ մեջ դու տես ինքդ քեզ ու ընտրիր հենց քեզ։
Այ էսպիսի PR տեխնոլոգիաներ, օրենքի խախտում չկա, բայց մինչ այլ քաղաքական գործիչներ լուրջ դեմքով բաներ են խոսում, մեմերը ձայներ են հավաքում։