«Նշմարվում է, որ պետք է վեհարանը խուզարկեն»․ Վարազդատ Հարությունյան

Փաստաբան Վարազդատ Հարությունյանը 24TV-ի եթերում անդրադառնալով տարածված ձայնագրությանը, նախաձեռնված քրեական վարույթին ու սրա շուրջ տարբեր մեկնաբանություններին, ասաց՝ այո՛, քրեական վարույթը նախաձեռնվում է փաստի առթիվ, բայց նախաձեռնված քրեական վարույթում քրեական հետապնդում է հարուցվում անձի դեմ։ «236-րդ հոդվածի 3-րդ մասով նախատեսված վարույթի տրամաբանությունից ու ձայնագրությունից ակնհայտ է, որ խոսքը վերաբերում է իբրև թե կաթողիկոսի կողմից հավաքներին մասնակցելու հարկադրանքին ու նաև ակնհայտ է, որ քրեական վարույթը նախաձեռնված այդ փաստի առթիվ ենթադրելու է քրեական հետապնդման հարուցում կաթողիկոսի նկատմամբ։ Ուստի քաղաքացիների, ԶԼՄ-ների պնդումը, որ կաթողիկոսի դեմ է հարուցվել պրոցեսը, մեծ հաշվով ճիշտ է»,- ասել է նա։ Հարցին՝ ի՞նչ է հաջորդելու, փաստաբանը պատասխանել է․ «Հաշվի առնելով նախորդիվ եղած դեպքերը՝ ինչ-որ մի առավոտ խուզարկություն․ ձերբակալություն, կալանքի միջնորդություն։ Այս շղթան արդեն տեսել ենք, էնպես չի հատուկ գուշակություն եմ անում։ Իհարկե, Աստված տա, էդպես չլինի»։ Նրա խոսքով՝ նշմարվում է, որ պետք է վեհարանը խուզարկեն։