«Մինչև ե՞րբ պիտի ժողովուրդը փորձի չնկատել նվիրյալ հայորդիներին»․ Հակոբ Բուլանիկյան

ԱԺԲ անդամ Հակոբ Բուլանիկյանը ֆեյսբուքյան իր էջում գրում է. «Հասկացանք, Սամվել Կարապետյանը քիչ բան չի արել Հայաստանի համար, ոչ Գագո է, ոչ՝ Լֆիկ, ոչ՝ քոչ ու սերժ, ոչ էլ նմաններից։ Բայց եթե պահանջում եք նրա և սրբազանների ազատ արձակումը, բարի եղեք հիշատակել նաև մեր երկրի համար իրենց կյանքը զոհասեղանին դրած ապստամբ Սասնա Ծռերին՝ Վարուժան Ավետիսյան քաղաքական մեծ գործչի գլխավորությամբ։ Մինչև ե՞րբ պիտի ժողովուրդը փորձի չնկատել այն նվիրյալ հայորդիներին, ովքեր տարիներ շարունակ իրենց կանխատեսումներում ակնհայտորեն ամենաճիշտը դուրս եկան, սկսած՝ ռուսաստանի կողմից Հայաստանին գցելու քաղաքականությունից, ուղիղ կերպով վերջինիս փուռը տալուց, մինչև ՀՀ բոլոր վարչախմբերի, ներառյալ՝ Արցախի, դավաճանական գործունեությունը, ինչն էլ վերջին հաշվով բերեց Արցախի կորստին, և ինչի արդյունքում էլ մենք հասել ենք այս օրհասական, ողորմելի վիճակին։
Կլինի՞ մի անգամ հայ ժողովուրդը դեմքով կանգնի դեպի ճշմարտությունը՝ մի կողմ թողնելով անձնական շահն ու ստամոքսը։
Իսկ հանրահավաքի մասնակիցներին ևս մի հորդոր՝ անհարմար է, արդեն սկսել եք «Նարեկ, Նարեկ" վանկարկել։ Այսինքն, Նարեկ Կարապետյանն արդեն այնքան հասունացավ, «վդռուգ» դարձավ այն աստիճանի հասուն քաղաքական գործիչ, այնքան բան հասցրեց անել երկրի համար (մարդու ձեռքն էլ չի գնում անգամ ժպիտի սմայլիկ դնի), որ հանրահավաքում պիտի իր անո՞ւնը վանկարկեք։ Դուք ադեկվա՞տ եք։ Չեղած տեղից էլի նոր ձևական «նիկո՞լ եք» կերտում (իրենից հեռու՝ համեմատության համար)։ Մի փչացրեք այդ տղային։
Այնպես որ, խորհուրդ կտամ մի փոքր սթափվել, մեր ժողովրդի տասնամյակներով, անգամ՝ դարերով արած բազում սխալները չկրկնելու և գոնե մի անգամ ռազմա֊մարտավարական ճիշտ ուղղություն որդեգրելու համար։
ԱԶԱՏՈՒԹՅՈՒ՛Ն ՍԱՍՆԱ ԾՌԵՐԻՆ, ՍՐԲԱԶԱՆՆԵՐԻՆ, ՍԱՄՎԵԼ ԿԱՐԱՊԵՏՅԱՆԻՆ ԵՎ ԲՈԼՈՐ ՔԱՂԲԱՆՏԱՐԿՅԱԼՆԵՐԻՆ»։