«Չեմ բացառում, որ ՔՊ-ից ընտրվի Գյումրու քաղաքապետ». Վահե Ղալումյան

«Ինչպե՞ս եք պատկերացնում Գյումրու հետագա կառավարումը, դուք բացառո՞ւմ եք սցենարը, որ նոր քաղաքապետ ընտրվի և ՔՊ-ից լինի»,- «Ֆակտոր»-ի այս հարցին ի պատասխան՝ ՔՊ-ական պատգամավոր Վահե Ղալումյանն ասել է. «Չեմ բացառում։ Հնարավոր է, որ այս գործողություններից հետո այն բոլոր ուժերը, որ ընտրել էին Վարդան Ղուկասյանին, ովքեր հայացքով թեքվել էին դեպի նախկին իշխանություն, ավելի խելամիտ որոշում կայացնեն և ուրիշ առաջարկ ունենան... Իշխանությունը ժողովրդին է պատկանում, ժողովուրդը ընտրություն է կատարել, որի արդյունքում Վարդան Ղուկասյանը հնարավորություն է ունեցել դառնալ քաղաքապետ, բայց ոչ մեկը չի պատրաստվում Վարդան Ղուկասյանին թույլ տալ վարվել և աշխատել հին աշխատաոճով։ Իշխանությունը չի հանդուրժում օրենքից դուրս որևէ գործողություն, դա կլինի Գյումրու քաղաքապետը, թե այլ պաշտոնատար անձ»,- նշել է իշխանական պատգամավորը։