«Նիկոլ Փաշինյանին թվում է, թե այս ձերբակալություններով կարող է վերարտադրվել». Իշխան Սաղաթելյան

«Գերագույն գլխավոր խելագարը ԱԺ ամբիոնից կամ ուրիշ տեղից հրահանգը տալիս է, իրավապահ համակարգին մնում է գնա այդ գործը սարքի: ՔՊ պատգամավորներին էլ մնում է դա հիմնավորել»,- Հակակոռուպցիոն դատարանի դիմաց լրագրողների հետ զրույցում ասել է ԱԺ «Հայաստան» խմբակցության պատգամավոր Իշխան Սաղաթելյանը՝ անդրադառնալով Գյումրիի այսօրվա ձերբակալություններին:

«Պետք է ուժ ցույց տան, հարձակվեն, որպեսզի մարդկանց վախեցնեն: Որովհետև Նիկոլ Փաշինյանը, ամեն անգամ ծանոթանալով սոցիոլոգիական հարցումներին, ընկնում է հիստերիկայի մեջ, և իրեն թվում է, թե այս ձերբակալություններով կարող է վերարտադրվել»,- նշել է Սաղաթելյանը՝ հավելելով, որ այս ամեն ինչը մի օր վերջանալու է, չի կարող այսպես շարունակվել: