«Գյումրիի գրոհն ու ՔՊ-ի անփառունակ խրախճանքը. կալանք` Վարդան Ղուկասյանին»․ Էդմոն Մարուքյան

«Վարդան Ղուկասյանին երեկ կալանավորեցին Գյումրիում, շոու էր․ կարող էին, չէ՞, ծանուցագիր ուղարկել, և երբ նա չէր ներկայանա, հետո նոր գնային բերման ենթարկելու։ Չէ, մեծ շուո՝ ոստիկանական զորքեր, դուռ ջարդել, շենքի հետնամուտքից վազելով գնալ․․․ Դա ինչի՞ մասին էր․․․ Մեղադրանքն այն մասին է, որ նա կաշառք է ուզել»,- այս մասին յութուբյան իր ալիքում հրապարակված տեսանյութում նշել է ԼՀԿ ղեկավար Էդմոն Մարուքյանը։

«Պաշտպան Զարուհի Փոստանջյանը հայտնել է, որ Ղուկասյանի զրույցները քաղաքապետ դառնալու հաջորդ օրվանից ձայնագրվել են։ ՔՊ-ից ո՞ր պաշտնյանին են ձայնագրում․ այդ ռեսուրսները ընդդիմադիրների վրա են ծախսում․․․ Անմեղության կանխավարկած գոյություն չունի։ Բոլոր քաղաքական ուժերին համարում են կաշառակերության կողմնակից։ Այս ամեն ինչն արվում է նրա համար, որ ասեն՝ մեր այլընտրանքը կաշառակերներն են ու ահաբեկիչները․․․, եկեք մե՛զ ընտրեք»,- նշում է Մարուքյանը՝ հավելելով՝ «բռնեք գողին» գոռացողներն ամենամեծ գող-թալանչիներն են, իրենց պետք է մերժել։