«Դուք եք արյուն բերող քաղաքապետի ընտրել»․ Վահագն Ալեքսանյանը՝ Մարտուն Գրիգորյանին

ԱԺ ՔՊ-ական պատգամավոր Վահագն Ալեքսանյանն իր ելութում արձագանքեց «Պատիվ ունեմ» խմբակցության պատգամավոր Մարտուն Գրիգորյանի հայտարարությանը, թե «ՔՊ-ի պատգամավորներից մարդ կա, ում սիրտն արյուն է ուզում Գյումրի քաղաքում»։
Դիմելով Մարտուն Գրիգորյանին՝ Ալեքսանյանն ասաց․ «Հղում եք արել իմ խոսքերին, որտեղ ասել եմ, որ Վարդան Ղուկասյանը կամ իր կլանը սպանել է ձեր ընկերներին, իսկ դուք նրան քվե եք տվել։ Ասել եմ, այո՛, բայց դա չի նշանակում, որ ես արյուն եմ ուզում, այլ՝ հակառակը։ Դուք ինձնից լավ գիտեք, որ Գյումրմու ամենաաղմկահարույց սպանությունները եղել են այն ժամանակ, երբ Վարդան Ղուկասյանը եղել է քաղաքապետ, իր կլանը եղել է իշխանություն։ Դուք եք ընտրել Վարդան Ղուկասյանին, այն նույն Վարդանիկին, ում ինքներդ եք մեղադրել այդ սպանությունների մեջ։ Հիմա ասում եք՝ ՔՊ-ն արյուն է ուզում։ Դուք եք արյուն բերող քաղաքապետի ընտրել, պարո՛ն Գրիգորյան»։