«Ժողովուրդը վաղուց է կարգալույծ արել, մենք պետք է այդ վճիռը ի կատար ածենք»․ Նիկոլ Փաշինյան

«Մեք անում ենք այն, ինչ մեր ժողովուրդը ուզում է»,- այս մասին ԱԺ-ում Կառավարության հետ հարցուպատասխանի ժամանակ նշեց վարչապետ Նիկոլ Փաշինյանը:

«Հայ Առաքելական Եկեղեցին բռնազավթածների մասին են խոսում։ Կտրիճ Ներսիսյանը իր անունը դրել է Ամենայն հայոց Կաթողիկոս։ Բա Ամենայն հայոց Կաթողիկոսը վեր կենա, ասի՝ էս կառավարության և այս կուսակցության օգտին մի՛ քվեարկեք, ու այդ կուսակցությունը գնա ընտրություններում սահմանադրական մեծամասնություն ստանա՞։ Այդ ժամանակ է Կտրիճ Ներսիսյանը կարգալույծ եղել, երբ հայ ժողովուրդն իրեն ասել է՝ դո՞ւ ով ես, քեզնից ի՞նչ ես ներկայացնում։ Ժողովուրդն իրեն կարգալույծ է արել վաղուց, և մենք, որպես ժողովրդի լիազոր ներկայացուցիչներ, պետք է այդ վճիռը ի կատար ածենք, բայց ոչ բռնությամբ, տեսարաններով․ բռնության կարիք չկա, պետք է ընդամենն իրողություններն արձանագրել»,- նշեց Փաշինյանը։