«Որոշ ուժեր փորձելու են լարվածություն ձևավորել սրբավայրի տարածքում»․ Արման Բաբաջանյան

ԱԺ նախկին պատգամավոր Արման Բաբաջանյանի ֆեյսբուքյան գրառումը․ «Այս կիրակի ես չեմ մասնակցելու Հովհաննավանքի պատարագին, և դրա համար ունեմ հստակ ու հիմնավոր պատճառներ։
Սակայն գիտեմ, որ շատերը այնտեղ կլինեն իրենց, Մայր աթոռի տարածած վերջին հաղորդագրության և վարչապետի մասնակցության մասին արված հայտարարությունն այդ միջավայրում ստեղծում է բախման իրական վտանգ։
Կիրակի օրվան ընդառաջ պարզ է, որ որոշ ուժեր փորձելու են գրգռել պատարագին մասնակցող մարդկանց հույզերը և ձևավորել լարվածություն սրբավայրի տարածքում։ Իշխանությունները պարտավոր են լիարժեք հաշվարկել իրավիճակի հնարավոր լարումը։
Հովհաննավանքը մեր հոգևոր հիշողության սրբատեղին է, և այնտեղ ցանկացած անշնորհք, հրահրված կամ անպատիվ դրսևորում կլինի ոչ միայն քաղաքական անպատասխանատվություն, այլև պատմական մեղք՝ մեր ազգային արժանապատվության ու հավատքի կենսական հիմքերի հանդեպ»։