Սկանդալային ձայնագրություններով հայտնի Երևանի քաղաքապետարանի Առողջապահության վարչության պետ Դավիթ Կարապետյանը կա՛մ անտեղյակ է, կա՛մ ստում է

ՄԱՄՈՒԼ․am-ը վերջին ամիսներին ներկայացրել է Երևանի քաղաքապետարանի ենթակայությամբ գործող Նորք Մարաշ ԲԿ-ում տեղի ունեցած ողբերգական դեպքերի, օրենքի խախտումների, գնումների մասին օրենքի շրջանցման վերաբերյալ 17 հոդված։
Խմբագրությունը հարցում է ուղարկել քաղաքապետ Տիգրան Ավինյանին, սակայն հարցմանը պատասխանել է՝ սկանդալային միջադեպերով և ձայնագրություններով հայտնի Երևանի քաղաքապետարանի Առողջապահության վարչության պետ Դավիթ Կարապետյանը, ով նշել է․ «(...) լիազոր պետական մարմինների կողմից ԲԿ-ում (...) Ձեր հոդվածներում հիշատակված խախտումները չեն հայտնաբերվել» (մեջբերման ավարտը, Հարցման պատասխան № 10/130903-25)։ 
Պատասխանի բովանդակությունից ակնհայտ է, որ Դավիթ Կարապետյանը կամ ընդհանրապես տեղյակ չէ Նորք Մարաշ ԲԿ-ում տեղի ունեցած իրավական գործընթացներից, կամ՝ միտումնավոր սուտ տեղեկություններ է փոխանցում։
Այսպես։ Խմբագրությունն անդրադարձել էր և տեղեկացրել, որ Նորք Մարաշ ԲԿ-ն 2022 թվականից անցնում է քրեական մի քանի գործերով․ 66 մլն դրամով գնվել է վիրահատական սարք, որը չի օգտագործվում, բյուջե չի մուտքագրվել 30 մլն դրամ, շրջանցում է «Գնումների մասին» օրենքը, զանգով պատվերներ է կատարվել, վնասով է աշխատել և այլն։ Խնդրին անդրադարձել էր նաև «Հետք» լրատվականը և տեղեկացրել, որ ԲԿ-ում բացահայտումներ է կատարել նաև ՊՎԾ-ն, իսկ դեպքերի առիթով հարուցվել է քրեական 2 գործ։
Միաժամանակ ՄԱՄՈՒԼ.am-ի հարցմանն ի պատասխան Քննչական կոմիտեից տեղեկացրել են, որ դեպքերի մասով հարուցվել է քրեական գործ՝ «ՀՀ քրեական օրենսգրքի 214-րդ հոդվածի 1-ին մասի հատկանիշներով»։
Խմբագրությունը պարզել է, որ «Գնումների մասին» օրենքի շրջանցման դեպքերը բացահայտել է ՊՎԾ-ն, իսկ խախտումները վերաբերում են «Ալմաքսիմս» ՍՊԸ-ի հետ պայմանագրին, որը պետք է մատակարարեր Medtronic և Abbott դեղապատ ստենտներ։
Ընդ որում Երևանի քաղաքապետարանը նախկինում ևս ժխտել է խախտումների առկայությունը և նշել․ «Նորք Մարաշ ԲԿ-ից ստացված տեղեկատվության համաձայն (...) գնումներն իրականացվել են բացառապես ՀՀ գործող օրենսդրության շրջանակում՝ մրցակցային գնման ձևերով»։
Քանի որ Նորք Մարաշ ԲԿ-ն քաղաքապետարանի միջոցով ակնհայտ կեղծ տեղեկություն էր տրամադրել, նոր հարցում է ուղարկվել Երևանի քաղաքապետարան՝ նշելով ԲԿ-ին առանց գնման ընթացակարգերի ապրանքներ մատակարարած ընկերությունների տվյալները և պահանջել հայտնել, թե ի՞նչ ծավալի գնումներ են կատարել այդ ընկերություններից։ Ապացույցների ծանրակշիռ ազդեցության տակ, Երևանի քաղաքապետարանը հաստատել է, որ Նորք Մարաշ ԲԿ-ն գրության մեջ թաքցրել է առանց մրցույթի գնումներ կատարելու փաստը, նշելով՝ «այո՛, նմանատիպ գնումներ կատարվել են»։
Ընդ որում Երևանի քաղաքապետարարանն ուսումնասիրել է բաց մրցույթներից մեկը և հայտնաբերել կոպիտ խախտումներ․ 13 չափաբաժնից բաղկացած բաց մրցույթում ԲԿ-ն ապրանքների տեխնիկական բնութագրերը կազմել է խտրական և ոչ մրցակցային տարբերակով։ Աուդիտի եզրակացությունում կարդում ենք․ «Նորք Մարաշ ԲԿ-ի պատասխանատու ստորաբաժանումները կոպտորեն խախտել են «Գնումների մասին» օրենքի պահանջները՝ տեխնիկական բնութագրերում հղում են կատարել կոնկրետ ընկերությունների և ապրանքային նշանների»։
Ակնհայտ է, որ Նորք Մարաշ ԲԿ-ն առանց որևէ ընթացակարգի պատվերներ է տալիս մի շարք ընկերությունների․ զանգահարում է կոնկրետ ընկերության և խնդրում մատակարարել։ Ավելին, առանց հիմնավորումների, չեղարկում է մատակարարների պայմանագրերը, ներգրավում գնումների գործընթացին մասնակցելու իրավունք չունեցող ընկերություններ, որոնց հիմնադիրները (իրական շահառուները) փոխկապակցված են կա՛մ ԲԿ տնօրինության, կա՛մ բուժանձնակազմի հետ։
Հավելենք, որ նմանատիպ միջադեպով, «Մեգիէլ» ՍՊԸ-ն բողոքարկել է գնումների գործընթացին մասնակցելու իրավունք չունեցող մասնակցին ցուցակում ներառելու նպատակով նախաձեռնված ընթացակարգը (ՍՑ-ԼՕ-2022/261, ԳԲՔԱ-ՆԳ-2021/18, ՆՄԲԿ-ԲՄԱՊՁԲ-21/46), հայց է ներկայացրել Նորք Մարաշ ԲԿ-ի դեմ (ՍնԴ/1626/04/21) և ԲԿ-ն անմիջապես վճարել է մոտ 50 միլիոն դրամ։
Փաստացի, Երևանի քաղաքապետարանը հայտնել է պաշտոնական դիրքորոշում Նորք Մարաշ ԲԿ-ում (տնօրեն Միքայել Ադամյան) տեղի ունեցած և ունեցող խախտումներին, իսկ քաղաքապետարանի Առողջապահության վարչության պետ Դավիթ Կարապետյանը «տեղյակ չէ» և պնդում է, որ «(...) լիազոր պետական մարմինների կողմից ԲԿ-ում (...) Ձեր հոդվածներում հիշատակված խախտումները չեն հայտնաբերվել»։
Հիշեցնենք, որ Նորք Մարաշ ԲԿ-ում տեղի ունեցած ողբերգական դեպքերի, չարաշահումների, օրենքի շրջանցման դեպքերի մասին բոլոր հրապարակումներին կարող եք ծանոթանալ այստեղ։

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
174Երեկ, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
50313.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
76211.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
81609.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
79909.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
98706.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
103605.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
229304.11.2026, 23:31