Վրաստանը հրաժարվել է մասնակցել Եվրոնեսթի խորհրդարանական վեհաժողովի երևանյան նստաշրջանին

Վրաստանը հրաժարվել է մասնակցել Եվրոնեսթի խորհրդարանական վեհաժողովի 12-րդ լիագումար նիստին, որը տեղի կունենա հոկտեմբերի 28-ից 30-ը՝ Երևանում: Այս մասին հայտնել է Վրաստանի խորհրդարանի եվրոպական ինտեգրման հարցերի հանձնաժողովի նախագահ Լևան Մախաշվիլին։

Նրա խոսքով՝ Եվրոնեսթ ԽՎ-ի կողմից վերջերս իրականացվող քաղաքականությունը «լուրջ մտահոգություն» է առաջացնում Թբիլիսիում, քանի որ այն հակասում է Վեհաժողովի հիմնադիր ակտերին, հիմնարար սկզբունքներին և նպատակներին։

«Եվրոխորհրդարանի մի շարք պատգամավորներ աչքի են ընկնում Վրաստանի նկատմամբ թշնամական հռետորաբանությամբ և գործողություններով՝ տարածելով աղավաղված և կեղծ հայտարարություններ»,- հայտարարել է Լևան Մախաշվիլին։