«Հրավիրում ենք՝ ճշմարտության և արդարության ձայնը բարձրացնելու»․ Հենրիխ Դանիելյան

ՀՀԿ երիտասարդական կազմակերպության ղեկավար Հենրիխ Դանիելյանը ֆեյսբուքյան էջում գրել է․ «Հարգելի’ հայրենակիցներ, տեղեկացնում եմ ձեզ, որ վաղը՝ հոկտեմբերի 29-ին, ժամը 13:30-ին Ազգային ժողովի դիմաց տեղի կունենա քաղաքացիական բողոքի ակցիա՝ նվիրված Հայաստանում քաղաքական բանտարկյալներին և Բաքվում պատանդառված մեր հայրենակիցներին։
Ակցիայի համար առիթ է հանդիսանում Եվրանեսթ խորհրդարանական վեհաժողովի մեկնարկող պլենար նիստը։
ՀՀԿ երիտասարդական և ուսանողական կառույցների նախաձեռնությանը միացել են այլ քաղաքական ուժերի և հասարակական միավորումների երիտասարդներ։
Հրավիրում ենք բոլորիդ ճշմարտության և արդարության ձայնը բարձրացնելու»։
Եվրոպական միությունից և այլ երկրներից ժամանած պատվիրակները պարտավոր են ոչ միայն իմանալ Հայաստանում տեղի ունեցող իրադարձությունների մասին ողջ ճշմարտությունը, այլև վերաբերմունք արտահայտել Հայասատանում շարունակվող բռնաճնշումների մասին։
Ազատությո՛ւն բոլոր քաղբանտարկյալներին»։