«Բանտերը խոսում են իշխանության վախերի մասին»․ Անուշ Պողոսյան

«Առողջության իրավունք» ՀԿ-ի նախագահ Անուշ Պողոսյանը ֆեյսբուքյան էջում գրել է․ «Երբ բանտերը խոսում են իշխանության վախերի մասին․
Երբ արդարությունը դառնում է հանցանք, բանտերը լցվում են լավագույն մարդկանցով։
Քաղաքական բանտարկյալը չի լռում՝ նույնիսկ մենախցում։ Նրա լռությունը հնչում է որպես մեղադրանք ամբողջ համակարգին։
Պատերը չեն կարող փակել միտքը։ Լռությունը չի կարող խեղդել գաղափարը։ Երբ իշխանությունը փորձում է խարանել արդարության ձայնը, այդ ձայնը վերածվում է խորհրդանշի՝ դառնում է պայքարի նշան։
Դավիթ ջան, Ձեր շուրջն այսօր հավաքվել են նրանք, ովքեր դեռ հավատում են ազատությանը, մարդու արժանապատվությանը և արդարությանը։
Բանտը չի կարող կոտրել հոգին, որը առաջնորդվում է հավատքով։
Այն, ինչ նրանք փորձում են բանտարկել, իրականում հենց այն է, ինչից իրենք վախենում են՝ ճշմարտությունից։
Իսկ ճշմարտությունը, որքան էլ հետապնդեն, միշտ գտնում է իր ճանապարհը՝ դուրս գալու մթությունից դեպի լույսը։
Հ․Գ․ Մի՛ լռեք։
Մի՛ վախեցեք։
Արդարությունը պահանջում է մեր ձայնը, մեր համախմբվածությունը և մեր հաստատակամությունը։ Երբ մենք կանգնենք միասին՝ ո՛չ մի բանտ, ո՛չ մի ճաղ, ո՛չ մի ճնշում չի կարող կանգնեցնել ճշմարտության հաղթարշավը»։