Ալեն Սիմոնյանը «Եվրոնեսթ» ԽՎ լիագումար նստաշրջանին խոսեց ռազմագերիների ու անհետ կորածների մասին

«2025-ի օգոստոսի 8-ին Վաշինգթոնում ԱՄՆ նախագահի մասնակցությամբ ՀՀ ու Ադրբեջանի նախագահները ստորագրեցին համատեղ հռչակագիր, նույն օրը ՀՀ և Ադրբեջանի ԱԳ նախարարները նախաստորագրեցին նաև խաղաղության ու միջպետական հարաբերությունների հաստատման մասին համաձայնագրի տեքստը: Դրանք ազդարարում են, որ խաղաղություն արդեն հաստատված է՝ չնայած դրան շարունակում են չլուծված մնալ մարդասիրական մի շարք հարցեր»,- Եվրոնեսթ ԽՎ 12-րդ լիագումար նստաշրջանի իր ելույթի ժամանակ ասել է ԱԺ նախագահ Ալեն Սիմոնյանը: «Ադրբեջանում պահվող անձանց, ռազմագերիների հարցը դեռևս լուրջ խնդիր է, որը պետք է լուծում գտնի: Մեկ այլ առաջնահերթություն է բազմաթիվ անհետ կորած անձանց ճակատագրի պարզաբանումը»,- հավելեց Սիմոնյանը: