«Ուկրաինացիների պայքարը մեր պայքարն է, մենք պայքարում ենք միևնույն թշնամու՝ Ռուսաստանի կայսրության դեմ». Տիխանովսկայա

Արդեն հայտնել էինք, որ Բելառուսի ընդդիմության առաջնորդ Սվետլանա Տիխանովսկայան, որը 2020 թվականից բնակվում է Վիլնյուսում, ստիպված է եղել չեղարկել իր այցը Հայաստան, երբ Լիտվայի իշխանությունները իջեցրել են նրա թիկնազորի կարգավիճակը։

Նա տեսաուղերձ է հղել ՀՀ-ում անցկացվող «Եվրոնեսթ» ԽՎ նստաշրջանի շրջանակներում: Քաղաքական գործիչը խոսել է ուկրաինական հակամարտության, Լուկաշենկոյի բռնապետության, ԵՄ-ի ամրապնդման և այլ թեմաների մասին: «Ողջունում եմ իմ ուկրաինացի ընկերներին. ձեր պայքարը մեր պայքարն է, ձեր անկախությունը մեր անկախությունն է, մենք պայքարում ենք միևնույն թշնամու՝ Ռուսաստանի կայսրության դեմ: Հարյուրավոր քաղբանտարկյալներ բանտարկված են Բելառուսում՝ Ուկրաինային աջացելու համար: Ուկրաինան պետք է հաղթի: Եթե այդ երկիրն ուժեղ է, Եվրոպան միասնական է»,- ասել է նա: