«Սիրիան դարձել է Թուրքիայի կամակատարը». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Սիրիան պաշտոնապես ճանաչել է Կոսովոն որպես ազատ և անկախ պետություն՝ Էր-Ռիյադում կայացած Սաուդա-սիրիա-կոսովոյան հանդիպումից հետո։
Ինչո՞վ է սա հատկանշական և ի՞նչ ազդակ է։ Որպեսզի լավ հասկանանք, նշեմ, որ Ահմեդ Դավութօղլուն իր հայտնի «Ռազմավարական խորքի» մեջ Թուրքիայի ապագա հեգեմոնիայի և կայսերական ազդեցության վերականգնման համար նշում էր երկու բանալի տարածաշրջաններ, որոնք «գրավելով» Թուրքիան կհասներ Բալկաններում և Կովկաս-Կենտրոնական Ասիա տարածաշրջանում անմրցելի ազդեցության՝ Լեռնային Ղարաբաղ և Կոսովո։
Հիմա մենք տեսնում ենք թուրքական «ռազմավարական խորքի» գործնական կիրառմանը, և այդ գործում Սիրիան դարձել է Թուրքիայի կամակատարը։ Հաջորդը հավանաբար կլինի հյուսիսային Կիպրոսի խնդիրը, և այդ ուղղությամբ Թուրքիան աշխատում է...
Հ.Գ. Սերբիան, Խորվաթիան, Բուլղարիան, Հունաստանը և մյուս Բալկանյան երկրները կարող են «քնել» ու սպասել...»: