«Փորձում են ՏԻՄ-ը դարձնել Նիկոլի քիմքին հաճո վասալային համակարգ»․ Դերենիկ Մալխասյան

«Մայր Հայաստան» կուսակցության անդամ Դերենիկ Մալխասյանի ֆեյսբուքյան գրառումը. «Հայաստանում ՏԻՄ համակարգը անցնում էր կայացման դժվար ճանապարհ, մինչև հանդիպեց այնպես կոչված «Չորրորդ Հանրապետություն» հորջորջողներին։ Սրանք փաստացի փլուզում են տեղական ինքնակառավարման ինստիտուտը։ Փորձում են ստեղծել Նիկոլի քիմքին հաճո վասալային համակարգ՝ ոտնահարելով ժողովրդավարության և ինքնակառավարման բոլոր սկզբունքերը։ Նույնիսկ նախկին շրջխորհուրդներն ավելի ինքնավար էին, քան Նիկոլի պատկերացրած ՏԻՄ համակարգը։
Բայց սրանց ամբարտավանությունը այն աստիճանի է հասել, որ մի կողմից ավերում են ժողովրդավարության մնացորդները՝ ոտքերը սրբելով սահմանադրական կարգի վրա, իսկ մյուս կողմից՝ կոկորդիլոսի արցունքներ թափելով իրենց ներկայացնում են ժողովրդավարության պաշտպաններ։
Սա նման է այն բանին, որ կողոպտիչները խոսեն մասնավոր սեփականության իրավունքը հարգելու անհրաժեշտության մասին։
Իսկ քաղհասարակություն կոչվող գրանտակերների մասին ինչ-որ բան ասելն արդեն անիմաստ է։ ՏԻՄ զարգացնելու անվան տակ տարիներով միլիոնավոր դոլարներ գրանտ ստացած ու Եվրոպաներում թրև եկածները պարտիզանի նման լռում են։ Երևի ուրախ են, որ ՏԻՄ համակարգը փլուզվում է, հետագայում ՏԻՄ շինելու համար նոր գրանտների ճանապարհ է բացվելու»։