«Իշխանությունը հասարակությանը հրամցնում է մի կեղծ փաստարկ»․ Վահան Հովհաննիսյան

Փաստաբան Վահան Հովհաննիսյանի ֆեյսբուքյան գրառումը․ «Իշխանությունը հասարակությանը հրամցնում է մի կեղծ փաստարկ, որը ոչ մասնագիտական հանրությունը ենթագիտակցական մակարդակում ընկալում, քննարկում, վերլուծում, ընդունում և շատ հաճախ ներկայացնում է որպես կռվան:
Փսևդոփաստարկը հետևյալն է. ի՞նչ քաղաքական հետապնդման մասին կարող է խոսք գնալ, երբ անձն առերևույթ կատարել է հանցանք:
Իրավաբանական կրթություն չունեցողներին (ներառյալ նաև նման հարցեր տվող լրագրողներին) հայտնեմ, որ քրեական օրենսգիրքը չունի այնպիսի հանցակազմ, ինչպիսին՝ քաղաքական հետապնդման ենթակա արարքի կատարումն է, հետևաբար ցանկացած քաղաքական հետապնդում միշտ և ամենուրեք քողարկվում է քրեական հանցակազմով:
Տարանջատելու համար հետապնդումը քաղաքական է, թե քրեական, անհրաժեշտ է այն դիտարկել մի շարք գործոնների, իրավական բաղադրիչների համատեքստում, ինչն էլ կհանգեցնի ճիշտ որոշման»։