«Գործարան-դպրոց հակադրություն չի կարող լինել». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Սրանց մեկդ ասեք, որ գործարան-դպրոց հակադրություն չի կարող լինել։ Իսկ դպրոցի շենքը որևէ կապ չունի կրթության որակի հետ, ուսուցչի նկատմամբ վերաբերմունքի, արժանապատիվ աշխատավարձի հետ։
Ավելին, այնքան տխմար են վերից վար, որ գիտություն-կրթություն կապը կտրելով արտադրությունից, կարծում են տնտեսություն կարող են ունենալ։
Մեկդ սրանց բացատրեք, որ իրենց լսած երկրներում՝ Սինգապուրից մինչև Հոնգ-Կոնգ, Չինաստանից մինչև Հնդկաստան, ԱՄՆ, Գերմանիա և այլն, գործարաններն են կրթական և գիտական հաստատությունների վրա պատվեր իջեցնում՝ մասնագետների, ֆորմուլաների, գիտական հայտնագործությունների,..., և ո՛չ թե հակառակը։
Այսինքն՝ առանց տնտեսության արտադրական բազայի դուք ընդամենը մարդկանց կրթություն եք տալիս, որը օգտագործում են այն երկրները, ուր կարտագաղթեն այդ մարդիկ։ Դա էլ՝ իհարկե, եթե կրթական համակարգը ո՛չ թե այսօրվա խայտառակ վիճակում լինի, այլ իսկապես որակյալ կրթություն ապահովող։
Վաղվա Հայաստանում կրթություն-գիտություն-արտադրություն ցիկլը պետք է անխախտ լինի, առանց գործարան - դպրոց հակադրության։ Գործարանից, արտադրողից լավ ո՛չ ոք չի կարող պատկերացնել, թե գործնականում ի՞նչ որակի և հմտությունների տիրապետող մասնագետ է անհրաժեշտ, որպեսզի ԲՈՒՀ-ը, միջին մասնագիտական ուսումնական հաստատությունն ապահովի։ Արտադրությունը հարատև գործընթաց է իր տարբեր ցիկլերով, և պրակտիկայի ընթացքում են ձևավորվում պահանջները կրթական և գիտական հաստատություններից։
Այո՛, դպրոցի գեղեցիկ, բայց դատարկ շենքի փոխարեն մեզ պետք են կյանքով լեցուն համայնքներ, որտեղ ո՛չ թե արտասահմանում աշխատանք փնտրելու մասին են մտածում, այլ սեփական աշխատանքով արժանապատիվ ապագա կառուցելու մասին։
Այնպես որ, ո՛չ թե աղավաղեք Նարեկ Կարապետյանի խոսքերը, փորձելով սեփական անիմաստ գոյությանը մի փոքր իմաստ հաղորդել, այլ լռեք...»: