Կիրակի, 06 սեպտեմբերի, 2026 թ.
|
Ստեփանակերտում`   +18 °C

Հացահատիկի առաջին վագոններն Ադրբեջանի տարածքով ուղևորվել են Հայաստան

Հացահատիկի առաջին վագոններն Ադրբեջանի տարածքով ուղևորվել են Հայաստան
2258
Երեքշաբթի, 04 նոյեմբերի, 2025 թ., 19:02

15 վագոնից բաղկացած գնացքը, որը տեղափոխում է 1048 տոննա ցորեն, Ռուսաստանից տարանցիկ ճանապարհով՝ Ադրբեջանի և Վրաստանի տարածքով ուղևորվել է Հայաստանի Դալարիկ կայարան, որտեղ նախատեսվում է դրա բեռնաթափումը, հաղորդում են ադրբեջանական լրատվականները:

Վերջերս Ադրբեջանի նախագահ Իլհամ Ալիևը Ղազախստանի նախագահ Կասիմ-Ժոմարտ Տոկաևի հետ մամուլի ասուլիսում հայտարարել էր, որ Բաքուն վերացրել է Հայաստան բեռների տարանցման բոլոր սահմանափակումները:

Դրանից հետո Հայաստանի էկոնոմիկայի նախարար Գևորգ Պապոյանը Ֆեյսբուքում գրել էր, որ ղազախական ցորենի առաջին խմբաքանակը շուտով կժամանի Հայաստան Ակտաու-Բաքու երթուղով, ապա՝ ադրբեջանական և վրացական երկաթուղիներով։