«Մանդատի համար ցլամարտի մեջ մտած, ընդդիմադիր աշխատող ցլերի եղջյուրները հատ-հատ պոկելու եմ»․ Նաիրա Զոհրաբյան

«Եթե Նիկոլը որոշել է հասնել Վեհափառին, հասնելու է․ Վեհափառին կալանավորելու է՝ առանց աչքը թարթելու»,-«Եվրոմեդիա»-ի եթերում նշեց նախկին պատգամավոր, հասարակական-քաղաքական գործիչ Նաիրա Զոհրաբյանը՝ հավելելով՝ ասումն են՝ Վեհափառը որդեգրել է վեհանձն արհամարհանքի և իր գործը շարունակելու մարտավարությունը․ վերջին խոսքը Վեհափառինն է՝ կալանավորվել Նիկոլի կողմից և հայտնվել ՔԿՀ-ո՞ւմ, թե՞ որևէ հակաքայլ ձեռնարկել։

Զոհրաբյանի դիտարկմամբ՝ իշխանությունը շատ հոգևորականների վրա ունի ազդեցություն․ «Լծակներ է օգտագործում տարբեր հոգևորականների վրա, իսկ ԱԱԾ-ն զբաղված է սրա-նրա անկողինը մտնելով, այնպես որ կարող են տարբեր հոգևորականների իրենց կողմը գրավել․ սա իրենց գործելաոճն է, ամեն ինչ անելու են»։

«Իսկ ի՞նչ է անում հականիկոլ ճամբարը․ ցավոք, բացի ապագա խորհրդարանում մանդատի համար ցլամարտից, ես չեմ տեսնում, որ ընդդիմադիր ուժերը այս պահին որևէ ռացիոնալ օրակարգ ունեն։ Ես էլ ասում եմ՝ ես այդ ցլերի եղջյուրները հատ-հատ ջարդելու եմ, բոլոր նրանց, ում կռիվը մանդատ պոկելն է և Նիկոլի վրայով ընդդիմություն աշխատելն է․․․ Հատ-հատ պատռելու եմ այդ «ընդդիմադիրների» դիմակները»,- ընդգծեց Զոհրաբյանը։