Ուրբաթ, 14 օգոստոսի, 2026 թ.
|
Ստեփանակերտում`   +26 °C

ԱՄՆ-ի կառավարության աշխատանքի դադարեցումը տնտեսությանն ամեն շաբաթ արժենում է 15 միլիարդ դոլար

ԱՄՆ-ի կառավարության աշխատանքի դադարեցումը տնտեսությանն ամեն շաբաթ արժենում է 15 միլիարդ դոլար
5693
Չորեքշաբթի, 05 նոյեմբերի, 2025 թ., 19:06

ԱՄՆ-ի դաշնային կառավարության աշխատանքի դադարեցումը դարձել է ազգային պատմության մեջ ամենաերկարը, և դրա ավարտի որևէ նշան չկա: Bloomberg-ի տվյալներով՝ աշխատանքի դադարեցման՝ շաթդաունի յուրաքանչյուր շաբաթ տնտեսությանը միջինում արժենում է 15 միլիարդ դոլար:

Աշխատանքների դադարեցումը տևել է 36 օր՝ գերազանցելով 2019 թվականի սկզբին՝ նախագահ Դոնալդ Թրամփի առաջին ժամկետի ընթացքում սահմանված նախորդ ռեկորդը: Գործակալության տվյալներով՝ ներկա ճգնաժամի հետևանքները տարածվում են դաշնային աշխատողների չվճարված աշխատավարձերից շատ ավելի հեռուն:

Նախկինում ֆինանսավորման դադարեցումների ժամանակ տնտեսական ազդեցությունը արագորեն չեզոքացվել է, քանի որ աշխատակիցների աշխատավարձն ուշացրվել են: Այժմ տնտեսագետները զգուշացնում են, որ վնասը կարող է ավելի մեծ լինել: ԱՄՆ-ի տնտեսությունն ավելի խոցելի է, քան յոթ տարի առաջ էր, և շատ քաղաքացիներ մտահոգված են գնաճով և աշխատաշուկայով:

Մասնագետները գնահատում են, որ եթե աշխատանքը դադարեցվի, չորրորդ եռամսյակում տնտեսական աճը կարող է նվազել 2 տոկոսային կետով:

Նոյեմբերի 3-ին հայտարարվեց, որ Թրամփի վարչակազմը համաձայնել է ֆինանսավորել սննդի կտրոնները դադարեցման ողջ ընթացքում: Այս որոշումը կայացվել է դատարանի կողմից Սպիտակ տանը SNAP-ի վճարումները դադարեցնելու արգելքի հիման վրա, որը պարենային օգնություն է տրամադրում մոտավորապես 42 միլիոն ԱՄՆ բնակչի:

Կարդացե՛ք նաև