««Թղթե ստապետությունը» փլվելու բոլոր նախադրյալներն արդեն ունի»․ Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Ինչպես և կանխատեսվում էր, նախագահ Սարգսյանի գիշերվա 7-ժամյա հարցազրույցը նիկոլնեք տեղը տեղին և ամենայն մանրամասնությամբ լսել են․ դրա ապացույցն էր առավոտյան Փաշինյանի շրնչակտուր «հակդարձումները», որոնք ավելի շատ հիշեցնում էին ինքնաարդացման անհույս ճիգեր։ Նիկոլի բարլուսախառը ջրաղձգումները հերթական անգամ ցույց տվեցին, որ Սերժ Սարգսյանն իր խոսքում հնչեցրած բոլոր թեզերով «խոցել է բոլոր թիրախները»։ Բացի դրանից, ողջ թիմով շատ գեղեցիկ տիրաժավորում ու տարածում եք նախագահ Սարգսյանի ասածները՝ ապրեք։
Փաշինյանի անհանգիստ շարժումները փաստում են, որ իր կողմից կառուցված «թղթե ստապետությունը» փլվելու բոլոր նախադրյալներն արդեն ունի։ Եվ որքան էլ նա խոսի «բանակցությունների փակուղի մտնելու», «44-օրյա պատերազմում մեղավոր նշանակելու», մարդկանց անհիմն անազատությունից զրկելու և այլ թեմաներով, բանավեճի հրավիրելու ծիծաղելի դիսկուրսով, դրանք բոլորը փաշինյանական մտասևեռումների դրսևորումներ են։ Նիկոլի իրական կռիվը Սերժ Սարգսյանի հետ է․ դա ակնհայտ էր անգամ նրա արտաքին վարքագծից, և ճիշտ է անում, որ սարսափում է, երբ խոսում է Երրորդ նախագահը։
Մի կարևոր դիտարկում ևս․ Սերժ Սարգսյանի գիշերային ծավալուն հարցազրույցում, որը շարունակվեց «լայվ» ռեժիմով, ոչ մի ավելորդ, վիրավորական կամ թիրախավորված արտահայտություն, կոշտ մեղադրանք կամ «մուննաթ» չնկատեցի, ինչը ևս մեկ վկայություն է այն մասին, որ նա ՀՀ սահմանների ներսում թշնամի չունի։ Այս հարցազրույցը փաստացի բաժանարար գիծ անցկացրեց քաղաքական իմիտացիայի և պետական մտածողության միջև»։