Կիրակի, 06 սեպտեմբերի, 2026 թ.
|
Ստեփանակերտում`   +19 °C

Թրամփը հավանություն է տվել Ռուսաստանի հետ առևտուր անող երկրների նկատմամբ պատժամիջոցներ սահմանող օրինագծին

Թրամփը հավանություն է տվել Ռուսաստանի հետ առևտուր անող երկրների նկատմամբ պատժամիջոցներ սահմանող օրինագծին
6985
Երկուշաբթի, 17 նոյեմբերի, 2025 թ., 09:53

ԱՄՆ նախագահ Դոնալդ Թրամփը հավանություն է տվել Ռուսաստանի դեմ «ջախջախիչ» պատժամիջոցներ սահմանող օրինագծի ընդունմանը և թույլ է տվել դրանում ներառել Իրանին, հաղորդում է Reuters-ը:

«Ցանկացած երկիր, որը բիզնես է վարում Ռուսաստանի հետ, շատ կոշտ պատժամիջոցների կենթարկվի։ Նրանք կարող են ցանկին ավելացնել նաև Իրանին»,- ասել է ԱՄՆ առաջնորդը։

Խոսքը վերաբերում է ապրիլին սենատորներ Լինդսի Գրեհեմի և Ռիչարդ Բլումենտալի կողմից առաջարկված օրինագծին։ Այն նախատեսում է 500% մաքսատուրք այն երկրների նկատմամբ, որոնք նավթ, գազ, ուրան և այլ ապրանքներ են գնում ՌԴ-ից, եթե Ռուսաստանը չհամաձայնի Ուկրաինայի հետ երկարատև խաղաղության։