Ռուսական նավթի գները կտրուկ անկում են ապրել

Ռուսական Urals նավթի գինը Նովոռոսիյսկի սևծովյան նավահանգստում նվազել է մինչև 36 դոլար մեկ բարելի համար։ Սա ամենացածր ցուցանիշն է 2023 թվականի մարտից ի վեր, հաղորդում է Bloomberg-ը։ Նմանատիպ միտում է նկատվել նաև Բալթյան նավահանգիստներում։
Urals-ի զեղչերը Brent-ի համեմատ աճել են մինչև 23,52 դոլար մեկ բարելի համար, ինչը ամենաբարձրն է 2023 թվականի հունիսից ի վեր։

Թրամփի վարչակազմի կողմից երկրորդային պատժամիջոցների ռիսկի պատճառով գնորդները կրճատում են գնումները՝ ճնշում գործադրելով գների վրա։

Գների անկումը նվազեցնում է նավթի և գազի եկամուտները, որոնք կազմում են Ռուսաստանի բյուջեի մոտ մեկ քառորդը, ինչը դժվարացնում է ռազմական ֆինանսավորումը։