Երեքշաբթի, 06 հոկտեմբերի, 2026 թ.
|
Ստեփանակերտում`   +12 °C

Իրանը պատրաստ է երկարաձգել Թուրքիա իրանական բնական գազի մատակարարման գործող պայմանագիրը

Իրանը պատրաստ է երկարաձգել Թուրքիա իրանական բնական գազի մատակարարման գործող պայմանագիրը
4336
Կիրակի, 30 նոյեմբերի, 2025 թ., 17:51

Թուրքիա կատարած այցի ընթացքում Իրանի արտաքին գործերի նախարար Աբաս Արաղչին հայտարարել է, որ Իրանը պատրաստ է երկարաձգել Թուրքիա իրանական բնական գազի մատակարարման գործող պայմանագիրը և աջակցում է երկու երկրների միջև էներգետիկ ոլորտում համագործակցության ընդլայնմանը։ «Իրանը Թուրքիայի ամենահուսալի էներգամատակարարներից մեկն է, և մենք մեր պատրաստակամությունն ենք հայտնել երկարաձգել գազի պայմանագիրը, ինչպես նաև զարգացնել համագործակցությունը էլեկտրաէներգիայի ոլորտում», - ասել է նա ճեպազրույցի ժամանակ։

Արաղչիի խոսքով՝ Իրանն ու Թուրքիան դեռևս հեռու են երկու երկրների միջև համագործակցության ներուժի լիարժեք իրացումից, մասնավորապես՝ առևտրատնտեսական ոլորտներում, և պետք է միջոցներ ձեռնարկվեն այս բացը լրացնելու համար, այդ թվում՝ երկրների միջև առևտրային և ներդրումային խոչընդոտների վերացման ուղղությամբ։

Իրանից Թուրքիա տարեկան 10 միլիարդ խորանարդ մետր գազի մատակարարման գործող գազային պայմանագիրը լրանում է 2026 թվականի նոյեմբերին։