Երեքշաբթի, 13 հունվարի, 2026 թ.
|
Ստեփանակերտում`   +3 °C

«Ադրբեջանում հայերին պատանդի կարգավիճակով պահելուց բացի՝ նաև կտտանքների են ենթարկում»․ Տիգրան Աբրահամյան

«Ադրբեջանում հայերին պատանդի կարգավիճակով պահելուց բացի՝ նաև կտտանքների են ենթարկում»․ Տիգրան Աբրահամյան
235
Երեքշաբթի, 23 դեկտեմբերի, 2025 թ., 23:24

«Պատիվ ունեմ» խմբակցության քարտուղար Տիգրան Աբրահամյանի ֆեյսբուքյան գրառումը. «Ադրբեջանական բանտում ապօրինի պահվող 70-ամյա Վագիֆ Խաչատրյանի առողջական վիճակը կտրուկ վատացել է՝ նրան տեղափոխել են բուժհաստատություն:
Հիշեցնեմ, որ ավելի վաղ էլ հավաստի տեղեկություններ ստացվեցին, որ առողջական բավականին վատ վիճակում է նաև Բաքվում պահվող Վիգեն Էուլջեքչյանը:
Ադրբեջանում ապօրինի դատավարությունից և հայերին պատանդի կարգավիճակով պահելուց բացի վերջիններիս նաև կտտանքների են ենթարկվում՝ նվազագույնը անհրաժեշտ, հրատապ բուժօգնություն չցուցաբերելու և պատշաճ պայմաններում չպահելու առումով:
Խաղաղության մասին անվերջ խոսացող, իսկ իրականում՝ կոնֆլիկտն իրենց աշխարհաքաղաքական շահերին ծառայեցնող միջազգային կառույցներն ու դերակատարներն էլ շարունակում են իրենց լռելությամբ կանաչ լույս վառել ադրբեջանական հանցագործությունների համար»:

Աղբյուրը`   Տիգրան Աբրահամյան