Վաղն Ադրբեջանից Հայաստան կուղևորվի նավթամթերքի ևս մեկ խմբաքանակ

Ադրբեջանական լրատվամիջոցները հայտնում են, որ հունվարի 8-ին Ադրբեջանը երկաթուղով Հայաստան կուղարկի բենզինի և դիզելային վառելիքի ևս մեկ խմբաքանակ։

«2026 թվականի հունվարի 8-ին Ադրբեջանից Հայաստան կուղարկվի նավթամթերքի ևս մեկ խմբաքանակ Գյուզդեկի և Բաքվի բեռնատար կայարաններից»,- ասվում է հայտարարության մեջ։

Բեռը ներառում է 1000 տոննա 92-րդ կարգի բենզին, 1000 տոննա դիզելային վառելիք և 1800 տոննա 95-րդ կարգի բենզին։