«Մենք Իրանում դոլարի դեֆիցիտ ստեղծեցինք, ինչի արդյունքում ժողովրդին տեսանք փողոցներում»․ Բեսենթ

ԱՄՆ ֆինանսների նախարար Սքոթ Բեսենթը հայտարարել է, որ իր ղեկավարած գերատեսչության գործողությունները Իրանում դոլարային ճգնաժամի պատճառ են դարձել և բողոքի զանգվածային ցույցեր առաջացրել։

«Մենք երկրում (Իրանում-խմբ.) դոլարի դեֆիցիտ ստեղծեցինք։ Ես այս ռազմավարությունն ուրվագծել էի մարտին՝ Նյու Յորքի տնտեսական ակումբում։ Այն հանգեցրեց արագ, ես կասեի՝ դրամատիկ հանգուցալուծման դեկտեմբերին, երբ Իրանի խոշորագույն բանկերից մեկը սնանկացավ… Կենտրոնական բանկը ստիպված եղավ փող տպել։ Իրանական արժույթն անկում ապրեց, գները կտրուկ աճեցին, և որպես հետևանք՝ մենք տեսանք իրանցի ժողովրդին փողոցներում»,- ասել է նա՝ Սենատի տնտեսական հանձնաժողովի առջև ելույթ ունենալու ժամանակ։