Իրանն սպառնում է նեղուցի լիակատար շրջափակմամբ, եթե ԱՄՆ-ն հարված հասցնի էներգետիկ ոլորտին

Եթե ԱՄՆ-ն հարձակվի Իրանի էլեկտրակայանների վրա՝ համաձայն ԱՄՆ նախագահ Դոնալդ Թրամփի վերջնագրի, Թեհրանն ամբողջությամբ կփակի Հորմուզի նեղուցը, հայտարարել է Իրանի զինված ուժերի կենտրոնական շտաբի խոսնակ Հազրաթ Խաթամ ալ-Անբիան, հաղորդում է Fars-ը։
«Մենք բազմիցս հայտարարել ենք, որ Հորմուզի նեղուցը փակ է միայն թշնամու համար, բայց այն դեռևս լիովին փակ չէ և գտնվում է մեր ողջամիտ վերահսկողության տակ։ Անվնաս անցումն իրականացվում է որոշակի պայմաններում, որոնք համապատասխանում են մեր անվտանգությանը և շահերին», - ասվում է հայտարարության մեջ։
Այլ միջոցառումների շարքում, որոնք Թեհրանը կարող է ձեռնարկել, եթե ԱՄՆ-ի սպառնալիքները կատարվեն, խոսնակը նշել է հետևյալը.
* Իրանի կողմից Իսրայելում բոլոր էլեկտրակայանների, էներգետիկ ենթակառուցվածքների և տեղեկատվական ու հաղորդակցական տեխնոլոգիաների օբյեկտների ոչնչացումը.
*տարածաշրջանում ամերիկացի բաժնետերեր ունեցող բոլոր ընկերությունների ոչնչացումը.
*տարածաշրջանում բոլոր էլեկտրակայանները, որտեղ տեղակայված են ամերիկյան բազաներ, հայտարարելն Իրանի համար «օրինական թիրախներ»։
Շտաբի խոսնակը հավելել է, որ Իրա′նը չի սկսել պատերազմը և հիմա էլ չի անի դա, բայց եթե ԱՄՆ-ն և Իսրայելը վնասեն էլեկտրակայանները, երկիրը «կանի հնարավոր ամեն ինչ» իրանցի ժողովրդին պաշտպանելու համար: Այս դեպքում, ըստ Իրանի զինված ուժերի խոսնակի, կսկսվի ԱՄՆ-ի և տարածաշրջանում նրա դաշնակիցների էներգետիկ, նավթային և արդյունաբերական ենթակառուցվածքների «անդադար ոչնչացման գործընթաց»:
Ավելի վաղ՝ մարտի 22-ի գիշերը, ԱՄՆ-ի նախագահը վերջնագիր էր ներկայացրել Իրանին՝ սպառնալով ոչնչացնել էլեկտրակայանները, եթե Թեհրանը 48 ժամվա ընթացքում չբացի Հորմուզի նեղուցը: «Միացյալ Նահանգները կհարվածի և կոչնչացնի նրանց տարբեր էլեկտրակայանները՝ սկսած ամենամեծից», - գրել է նա Truth Social-ում:

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
89616.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
83115.11.2026, 19:19
Խաղողագործներին փող չեն տալիս․ «Հրապարակ»
60314.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
132013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
64212.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
168310.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
183209.11.2026, 18:19
«Ինքնիշխան պետության էներգետիկ քաղաքականությունը չպետք է վերածվի արտաքին ներդրողների շահերի ենթակառուցվածքային սպասարկման»․ Վահե Դավթյան
76609.11.2026, 15:18