«Երկրի ղեկավարության համար ապահովագրական համակարգի ներդրումը մարդկանց «բերանը փակելու» միջոց է»․ Գևորգ Գրիգորյան

Բժիշկ Գևորգ Գրիգորյանի ֆեյսբուքյան գրառումը՝ կից տեսանյութով. «Սկսված քարոզարշավի պայմաններում կրկին շահարկվում է առողջության ապահովագրության թեման, ինչը բացարձակապես տեղին չէ, որովհետև այս մարդու խնդիրը բացարձակապես կապ չուներ և չունի ապահովագրական համակարգի ներդրման հետ՝ քաղցկեղի կապակցությամբ վիրահատությունը կարելի էր պետական պատվերի շրջանակներում կատարել դեռ հեռավոր 2019:
Արդյո՞ք սխալ կլինի, եթե եզրակացնենք, որ՝
1. Երկրի ղեկավարները չեն տիրապետում իրենց ներդրած «ռեֆորմների» ընթացակարգերին
2. Երկրի ղեկավարությունը, գործուն քայլերի փոխարեն, նամակներ ուղարկելով և գործունեության իմիտացիայով է «լուծում» քաղաքացիների խնդիրները
3. Երկրի ղեկավարության համար ապահովագրական համակարգի ներդրումը մարդկանց «բերանը փակելու» միջոց է, քանի որ բնակչության լայն շերտերը տեղեկացված չեն համակարգի գործունեության ընթացակարգերից»։