Հինգշաբթի, 20 օգոստոսի, 2026 թ.
|
Ստեփանակերտում`   +21 °C

«Շրջանառվում է նախագիծ, ըստ որի՝ 30 գյուղական ամբուլատորիաներից պետք է մնա 9-ը»․ Անուշ Պողոսյան

«Շրջանառվում է նախագիծ, ըստ որի՝ 30 գյուղական ամբուլատորիաներից պետք է մնա 9-ը»․ Անուշ Պողոսյան
2221
Ուրբաթ, 27 մարտի, 2026 թ., 14:18

«Առողջության իրավունք» ՀԿ-ի նախագահ Անուշ Պողոսյանի ֆեյսբուքյան գրառումը․ ««Ապագան» կրկին հետապնդում է Գեղարքունիքի մարզի գյուղական ամբուլատորիաներին.
2024 թվականին չիրականացված ծրագիրը (որը ժամանակին կանգնեցվեց նաև հանրային ճնշման և մեր պայքարի արդյունքում) այսօր նորից է վերադարձել՝ նույն տրամաբանությամբ, նույն վտանգներով։
e-draft համակարգում շրջանառվում է նախագիծ, ըստ որի՝
30 գյուղական ամբուլատորիաներից պետք է մնա ընդամենը 9-ը։
Հիմնավորո՞ւմը՝ պարզ ու ցնցող․ «Կառավարման, վերահսկողության, դեղորայքի ապահովման և որակյալ ծառայությունների կազմակերպման խնդիրներ կան»։
Թարգմանեմ պարզ լեզվով՝ չենք կարողանում կառավարել, ուրեմն՝ փակենք։
Սա առողջապահական բարեփոխում չէ։
Սա համակարգի ձախողման օրինականացում է։
Իսկ հետևանքը՞․
ՀԵՏԵՎԱՆՔԸ ԿՐԵԼՈՒ Է ԳՅՈՒՂԱՑԻՆ․․․
Սա «ապագա» չէ։
Սա կենտրոնացման անվան տակ գյուղական առողջապահության փլուզում է։
Հ․Գ․ Չեք կարողանում կառավարել՝ քանդում եք. սա է ձեր «ԱՊԱԳԱՆ»»։

Աղբյուրը`   Անուշ Պողոսյան

Կարդացե՛ք նաև