Իսրայելը հրթիռակոծել է իրանական դեղագործական ընկերությունը, որն իր տեսակով երկրորդն էր աշխարհում

«Հայաստան-Իրան զարգացման հիմնադրամ»-ի հիմնադիր Փույա Հոսսեինին ֆեյսբուքյան իր էջում գրել է. «Իսրայելի հանցագործ բանակն այսօր բացահայտ ռազմական հանցագործության շրջանակներում հարձակվել է իրանական դեղագործական ընկերության վրա։
«Թոուֆիգ Դարու» (Tofigh Daru) ընկերությունը աշխարհում երկրորդն էր իսրայելական «TEVA» ընկերությունից հետո, որն իրականացնում էր «Գլատիրամեր ացետատ» (Glatiramer acetate) դեղամիջոցի բացառիկ արտադրությունը՝ նախատեսված ՄՍ (ցրված սկլերոզ) հիվանդությամբ տառապողների բուժման համար։ Այն նաև գործունեություն էր ծավալում հազվագյուտ հակաքաղցկեղային դեղամիջոցների հումքի հետազոտման և արտադրության ոլորտում։
*Հատկանշական է, որ այն իսրայելական «Teva» դեղագործական հսկայի մրցակիցն էր և առաջին ընկերությունը, որը «Teva»-ից հետո տիրապետեց ՄՍ-ի դեմ կարևոր դեղամիջոցի արտադրության տեխնոլոգիային, ինչն էլ, հավանաբար, դարձել է թիրախավորման պատճառը։
Ընկերության արտադրական ուղղությունները ներառում էին.
​Հակաքաղցկեղային դեղամիջոցներ (Oncology APIs)
​Հատուկ հիվանդությունների, օրինակ՝ ՄՍ-ի հետ կապված դեղամիջոցներ (ներառյալ՝ Գլատիրամեր ացետատ)
​Թմրաբեր և ցավազրկող դեղամիջոցներ (Narcotics APIs), սրտանոթային դեղեր (Cardiovascular) և իմունային համակարգը կարգավորող միջոցներ (Immunomodulators)»: