«Նիկոլ Փաշինյանը շարունակում է չարաշահել վարչական ռեսուրսը». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Արձակուրդի մեջ գտնվող Նիկոլ Փաշինյանը Սուրեն Պապիկյանին ապօրինաբար հրահանգել է զինծառայողին զորացրել։
Նիկոլ Փաշինյանը շարունակում է չարաշահել վարչական ռեսուրսը ու որպես վարչապետ հանձնարարականներ տալիս։ Երեկ նա արձակուրդում գտնվող ՊՆ Սուրեն Պապիկյանին հրահանգել է զորացրել դիրքերի կահավորման խնդիրների մասին բարձրաձայնող պայմանագրայինին։
«Զորացրի, թող գնա բիսեդկեքում պպզի»,- պաշտպանության նախարարին հրահանգել է Նիկոլ Փաշինյանը։
Ագարակում քաղաքացին մոտեցել էր Նիկոլ Փաշինյանին ու բարձրացրել բարձր լեռնային գոտում գտնվող դիրքերի ճանապարհը ձյունից մաքրելու հարցը, մի փոքր էլ ակնարկել աշխատավարձի մասին։
«Որ զինվորական ես, մի րոպե զգաստ կանգնիր, նոր խոսի վարչապետի հետ, զինվորականը տենց չի խոսում վարչապետի հետ»,- ասել է Փաշինյանը։ Թե ինչու Նիկոլ Փաշինյանից տարիքով մեծ, այդ պահին զինվորական ծառայության մեջ չգտնվող, քաղաքացիական հագուստով քաղաքացին պետք է զգաստ կանգնի արձակուրդի մեջ գտնվող, քարոզարշավ անող Նիկոլ Փաշինյանի առաջ, հայտնի չէ»։