«Փաշինյանը թաքցնում է ԵԱՏՄ-ից ՀՀ-ի հնարավոր դուրս գալու հետևանքները»․ Վոլոդին

Հայաստանի վարչապետ Նիկոլ Փաշինյանը երկրի բնակչության հետ բացահայտ չի խոսում «ԵՄ գնալու» մասին և թաքցնում է Եվրասիական տնտեսական միությունից հնարավոր դուրս գալու հետևանքները: Այս մասին հայտարարել է Պետդումայի նախագահ Վյաչեսլավ Վոլոդինը։

Քաղաքական գործիչը ներկայացրել է Հայաստանի՝ ԵԱՏՄ-ից դուրս գալու հետևանքները։ «Բնակիչների համար գազի գները կբարձրանան գրեթե չորս անգամ, Ռուսաստանից Հայաստան կատարվող դրամական փոխանցումները կտրուկ կնվազեն, Ռուսաստան մուտք գործելու համար միգրացիոն արտոնությունները կչեղարկվեն, իսկ աշխատանքը հնարավոր կլինի միայն արտոնագրի դեպքում, Հայաստանից մեր երկիր ծաղիկների, հատապտուղների, մրգերի, բանջարեղենի, ձկան, ալկոհոլի և հանքային ջրի մատակարարումները կդադարեցվեն»,- նշել է Վոլոդինը։