«Ե՛վ հանրահավաքներ են լինելու, և՛ փողոցային պայքար»․ Իշխան Սաղաթելյան

«Մանդատ վերցնելը չի նշանակում, որ ընդդիմությունը՝ առնվազն խորհրդարանական ընդդիմությունը, հրաժարվում է փողոցային պայքարից»,- դատարանի դիմաց ճեպազրույցի ժամանակ ասել է ԱԺ «Հայաստան» խմբակցության պատգամավոր Իշխան Սաղաթելյանը։ «Օրեր առաջ ընդդիմադիր դաշտի մի շարք կուսակցություններ հանդես եկան օրակարգային հարցերի շուրջ համախոհություն ունենալու հետ կապված հայտարարությամբ։ Դա ենթադրում է, որ օրակարգային կետերը պետք է բացվեն, ընդլայնվեն և այդ օրակարգերի սպասարկման շուրջ ձևավորվի ճանապարհային քարտեզ։ Հետևաբար և՛ հանրահավաքներ են լինելու, և՛ փողոցային պայքար է լինելու։ Այստեղ խնդիրը՝ երբ, ինչ կառուցվածքով և ինչ ուժերով, որոնց շուրջ քննարկումները շարունակվում են»,- նշել է Սաղաթելյանը: