«Սա անձնական նկատառումներով հաշվեհարդար է պարոն Ծառուկյանի նկատմամբ»․ Աբրահամ Դանագոզյան

«Սա անձնական նկատառումներով հաշվեհարդար է պարոն Ծառուկյանի նկատմամբ»,- կառավարության դիմաց բողոքի ակցիայի ժամանակ ասաց «ԵՈՒՐՈՄՈԹՈՐՍ»-ի տնօրեն Աբրահամ Դանագոզյանը։ «Ընկերությունը փակ է և մենք շատ մեծ կորուստներ ենք կրում։ Ոչ մի հիմք չկա ընկերությունը փակելու համար, շինծու մեղադրանքներով ներխուժել են, առգրավել են մեր սերվերները, համակարգիչները և խափանել մեր աշխատանքը։ Այս ամենը նաև միջազգային հարթակում Հայաստանի վարկը գցում է գետնին, մարդիկ զարմանում են, չեն կարողանում հավատալ, որ կարող են մեկ օրվա մեջ գալ ու 70 կազմակերպություն փակել, հազարավոր մարդկանց անգործ թողնել այն բանի համար, որ մարդիկ օգտագործում են իշխանությունը։ Այս ամենը տեսնելով անհատ մարդիկ, ովքեր պետք է Հայաստանում աշխատեին՝ ներդրումներ չեն անելու»,- նշեց Դանագոզյանը՝ նշելով, որ այսօր եկել են տեր կանգնելու իրենց իրավունքներին և իրենց զորակցությունը հայտնելու Ծառուկյանին։