«Հավանաբար հաջորդ հայտարարությունը կլինի, որ «ինքնասպանությունն այդ մարդկանց գլխում է»»․ Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Նիկոլ Փաշինյանը երեկ հայտարարում էր բանակում ինքնասպանությունների երեք պատճառների մասին, որոնց թվում՝ խաղադրույք կատարելով պարտքերի տակ ընկնելը։
Հետաքրքիր է, կա՞ որևէ հստակ, ստույգ, ապացուցված վիճակագրություն, որ ինքնասպանության դեպքերի իքս տոկոսը եղել է խաղադրույքի հետևանքով։ Կա՞ն կոնկրետ ապացուցված դեպքեր, թե՞ դա պարզապես յուրօրինակ «հուշում» է քննչական մարմիններին՝ հնարավոր դեպքերն այլևս վերագրել խաղամոլությանը։ Հավանաբար հաջորդ հայտարարությունը կլինի այն, որ «ինքնասպանությունն այդ մարդկանց գլխում է»»։