«Տեղյա՞կ եք, որ Մոսկվայում «Լյուդինգ»-ի Արմենն ու Արթուրը «փայ են մտնում» հայկական կոնյակի արտահանման մեջ»․ հարց՝ Նիկոլ Փաշինյանին

«Տեղյա՞կ եք, որ Մոսկվայում Լյուդինգի Արմեն և Արթուր անունով գործարարներ կան, որոնք չեչեն Ակաևի և հրեա Գենայի հետ տանդեմ են կազմել և «Սաշիկի նման» փայ են մտնում հայկական կոնյակի արտահանման մեջ՝ խոչընդոտներ հարուցելով հայ գործարարների համար։ Եվ «Լյուդինգ»-ի Արմենը ՀՀ քաղաքացի է»,- այսօր ճեպազրույցի ժամանակ հնչած այս հարցին ի պատասխան՝ վարչապետ Նիկոլ Փաշինյանը նշեց․ «Ես պատիվ չեմ ունեցել լսել այդ անձանց անունները․․․ ՀՀ իրավապահ մարմինները անհամբեր կսպասեն, որ ՀՀ քաղաքացի այդ անձը մուտք գործի ՀՀ և, առավել ևս ձեր հայտարարությունից հետո, մեր իրավապահները նրանց կհրավիրեն սուրճ խմելու և այդ հարցերին պատասխանելու։ Կարծում եմ ՌԴ դաշնության իրավապահ մարմիններն էլ պետք է հետաքննություն սկսեն․․․ Իմ կարծիքով, եթե դա իրականություն է, առաջին հերթին դա վիրավորական է Ռուսաստանի պետության համար, որովհետև ՀՀ-ում որևէ մեկը որևէ մեկի նկատմամբ այդպիսի գործողություն չի կարող ծավալել»։