«Սա Անկախության հռչակագրի հանդեպ երրորդ «ոտնձգությունն է»». Կարեն Հեքիմյան

Հասարակական գործիչ Կարեն Հեքիմյանը ֆեյսբուքյան իր էջում գրել է․ «Փաշինյան Նիկոլն ասում է, որ «1990թ. Անկախության հռչակագրին նոր Սահմանադրության մեջ հղում չպետք է լինի»: Սա Անկախության հռչակագրի հանդեպ երրորդ «ոտնձգությունն է»:
Ուրեմն, 2011 թվականի սեպտեմբերի 22-ին Հայաստանի ազգային արխիվի այնժամանակյա տնօրեն Ամատունի Վիրաբյանն ասաց, որ ի սկզբանե առկա է եղել Անկախության հռչակագրի երեք օրինակ: Ըստ Վիրաբյանի, «ենթադրվում է, որ մի օրինակը ՀՀ առաջին նախագահի մոտ է, մյուս օրինակը եղել է պատգամավոր Արամ Մանուկյանի մոտ, սակայն կորել է, իսկ երրորդի վերաբերյալ տեղեկություններ չկան»:
Ստացվում է՝ ներկայիս Հայաստանի իրավական հիմք հանդիսացող փաստաթղթի միակ բնօրինակը գտնվում է Տեր-Պետրոսյանի մոտ, իսկ Փաշինյան Նիկոլը ցանկանում է դե յուրե, միգուցե նաև դե ֆակտո, վերացնել այն:
Սա թերևս այն դեպքն է, երբ անթաքույց ցանկություն է առաջանում խնդրել Աստծուն, որպեսզի պահպանի Տեր-Պետրոսյան Լևոնին և իր մոտ գտնվող Անկախության հռչակագրի միակ բնօրինակը: