Նեթանյահուն Գազայում աղմկահարույց հայտարարություններ է տարածել

Չորեքշաբթի՝ սեպտեմբերի 2-ին, Իսրայելի վարչապետ Բենիամին Նեթանյահուն այցելել է Գազայի հատվածում Իսրայելի պաշտպանության բանակի դիրքեր՝ այսպես կոչված «Դեղին գծի» մոտ և հանդես եկել քաղաքական հայտարարությամբ՝ ընդգծելով, որ Իսրայելը վերահսկում է Գազայի հատվածի 60%-ը և մտադիր չէ նահանջել իր դիրքերից։

Վարչապետը Գազայի հատված այցելել է Իսրայելի պաշտպանության բանակի շտաբի պետ, գեներալ-լեյտենանտ Էյալ Զամիրի, Հարավային հրամանատարության հրամանատար, գեներալ-մայոր Յանիվ Ասորի և 99-րդ դիվիզիայի հրամանատար, բրիգադի գեներալ Էլադ Զուրիի ուղեկցությամբ։

Նեթանյահուն տեղեկացվել է «Դեղին գծի» մոտ օպերատիվ իրավիճակի մասին և տեղեկացվել բանակի կողմից սպառնալիքներին դիմակայելու և Գազայի հատվածի սահմանի մոտ գտնվող բնակավայրերը պաշտպանելուն նախապատրաստվելու քայլերի մասին։

«Մենք վերահսկում ենք այս տարածքը։ Մենք չենք նահանջում։ Մենք մնում ենք այս գծում, մենք վերահսկում ենք Գազայի հատվածի 60%-ը, և դա դեռ ամենը չէ, քանի որ մենք վերացնում ենք մեզ սպառնացող ահաբեկիչներին, և դա անում ենք անընդհատ»,- հայտարարել է Նեթանյահուն։

Վարչապետը նաև մեկնաբանել է Գազայում ՀԱՄԱՍ-ի ներքին անվտանգության ղեկավար Մուային ալ-Արաբիդի գերեվարումը։

Նա նաև ընդգծել է, որ Իսրայելը կշարունակի անել հնարավոր ամեն ինչ՝ իր հիմնական նպատակներին հասնելու համար՝ ՀԱՄԱՍ-ին զինաթափել և Գազայի հատվածը ապառազմականացնել։ «Գազան այլևս սպառնալիք չի ներկայացնի Իսրայելի համար։ Այս նպատակն արդեն մեծ մասամբ իրականացված է։ Աշխատանքը դեռ պետք է ավարտվի, և մենք այն կավարտենք»,- հայտարարել է վարչապետը։