«Մարզերի բնակիչներին արգելելու են մարզային տրանսպորտով ու սեփական մեքենայով մուտք գործել Երևան»․ Գևորգ Ստեփանյան

Երևանի ավագանու «Մայր Հայաստան» խմբակցության անդամ Գևորգ Ստեփանյանը ֆեյսբուքյան իր էջում գրել է․ «Երևան քաղաքի փոքրամասնության «իշխանության» հերթական նվերը մարզերի բնակիչներին…
Հարգելի՛ մարզերի բնակիչներ, ինչպես զգուշացնում էի, որ ձեզ համար նոր փորձություն է սպասվում դեպի Երևան մուտք գործելու համար, այդպես էլ եղավ։
Խցանումները թեթևացնելու ֆեյք հիմնավորման տակ, ձեզ արգելելու են մարզային տրանսպորտով ու սեփական մեքենայով մուտք գործել Երևան քաղաք։
Ձեզ ստիպելու են քաղաքի մուտքերի մոտ իջնել, նստել չբարեփոխված տրանսպորտ ու նոր հասնել ձեր նախընտրած վայր։
Էս ամենի հետևանքով մարզերի բնակիչներն ու ուսանողները քաղաք հասնելու համար երկու անգամ ավել գումար են ծախսելու։
Խցանումների հեղինակներն ու քաղաքացիների գրպաններից դուրս չեկող կառավարիչների հասցեն՝ Արգիշտի 1»։