Ռուսաստանցի ռեփեր Նավայ Բակիրովը ձերբակալվել է Ղազախստանում

Ռուսաստանցի ռեփեր Նավայ Բակիրովը (Նավայ) ձերբակալվել է Ղազախստանում՝ թմրանյութերի մաքսանենգության կասկածանքով, հաղորդում է Tengri News-ը։

Ղազախստանի Ժամբիլ շրջանի ոստիկանությունը հայտարարել է, որ Բակիրովը ձերբակալվել է Ղրղզստանի հետ սահմանի անցակետում՝ Ղազախստան մուտք գործելիս, այն բանից հետո, երբ նրա մեքենայում թմրանյութեր են հայտնաբերվել։ Ռեփերը տեղափոխվել է ժամանակավոր կալանքի վայր։
Նրան սպառնում է մինչև 5 տարվա ազատազրկում:

Նավայը պետք է համերգ տար Աստանայում հոկտեմբերի 14-ին։ Կազմակերպիչները հայտարարել են, որ այն հետաձգում են անորոշ ժամկետով՝ «տեխնիկական պատճառներով»։

Նավայ Բակիրովը հայտնի է՝ որպես HammAli & Navai դուետի անդամ, որը գոյություն է ունեցել 2016-ից մինչև 2025 թվականը։ Դուետի բաժանումից հետո Բակիրովը սկսել է մենակատարի կարիերա։