«Եթե Թուրքիան որոշի Հայաստանի հետ հաստատել հարաբերություններ, սպառնալիք կարող է լինել հենց Ադրբեջանը»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «Հիջաբի վրա չպետք է հույս դնել և ակնկալել, որ Թուրքիա-Ադրբեջան լարվածությունը կարող է աշխատել ի նպաստ Հայաստանի:
Անկախ թուրքական երկու եղբայրական հանրապետությունների միջև հարաբերությունների, Հայաստանը պետք է Թուրքիայի հետ հասնի սահմանների բացման և դիվանագիտական հարաբերությունների հաստատման:
Դա արել են Հայաստանի նախկին կառավարություններից մի քանիսը, բայց հաջողության չեն հասել: Թուրքիան շարունակել է մնալ Ադրբեջանի կամա թե ակամա պատանդը:
Եթե հույզերն ու պաթոսը դնենք մի կողմ, ապա Թուրքիա-Հայաստանի հարաբերությունների կարգավորումը և արևմտյան հարևանի կողմի շրջափակումը բխում է.
ա/ Ադրբեջանի շահերից, քանի որ հայ-թուրքական հարաբերությունների կարգավորումը նվազեցնելու է Հայաստանի կախումը Ադրբեջանից,
բ/ Ռուսաստանի շահերից, քանի որ հայ-թուրքական հարաբերությունների կարգավորումը նվազեցնելու է Հայաստանի կախումը Ռուսաստանից,
գ/ Վրաստանի շահերից, քանի որ հայ-թուրքական հարաբերությունների կարգավորումը նվազեցնելու է Հայաստանի կախումը Վրաստանի տարանցման մենաշնորհից:
Պետք չէ ունենալ նաև պատրանքներ և իրատես լինել, մասնավորապես.
թուրք-հայկական սահմանի բացումը բերելու է Հայաստանում Թուրքիայի ազդեցության ավելացմանը, բայց ոչ՝ թուրքացմանը,
այսօր մի վտանգ կա, եթե կուզեք՝ սպառնալիք, եթե իրականում Թուրքիան որոշում ունի անտեսել Ադրբեջանի կապրիզները և Հայաստանի հետ հաստատել հարաբերություններ, ապա մեծագույն սպառնալիք կարող է լինել հենց Ադրբեջանը: Չպետք է բացառել արևելյան հարևանի կողմից նոր սադրանքներն ու մասնակի ներխուժման մտադրությունները»: