Նիկոլ Փաշինյանն ու Իլհամ Ալիևը կարճ զրուցել են
 136 Երեքշաբթի, 14 մայիսի, 2019 թ., 09:45 Բրյուսելում Եվրոմիության Արևելյան գործընկերության 10-ամյակի միջոցառումներին մասնակցող Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը կարճ զրուցել են ընթացիկ իրավիճակի շուրջ։ Հայաստանի վարչապետն «Ազատության»-ը փոխանցել է, որ ադրբեջանցի գործընկերոջ հետ դեռ չեն հստակեցրել հաջորդ բանակցությունների օրն ու վայրը։ «Հնարավոր չէ լուծել որևէ հակամարտություն՝ կենտրոնանալով միայն ներգրավված կողմերից մեկի շահերի վրա, որովհետև կարծում եմ, որ Լեռնային Ղարաբաղի հակամարտության կարգավորման ամենակարևոր խոչընդոտն Ադրբեջանի դիրքորոշումն է՝ չերկխոսել Ղարաբաղի հետ: Ճշմարտությունն այն է, որ այս հակամարտությունը երեք կողմ ունի՝ Ադրբեջան, Լեռնային Ղարաբաղ և Հայաստան: Մենք կարծում ենք, որ շատ կարևոր է ունենալ բանակցային պատշաճ շրջանակ, որ հնարավոր լինի լուծել այս հակամարտությունը»,- նշել է Հայաստանի վարչապետը։ Փաշինյանը տեղեկացրել է, որ կարճ զրույց է ունեցել Իլհամ Ալիևի հետ. «Կարճ զրույց էր՝ ընթացիկ իրավիճակի մասին. վստահ եմ՝ բանակցությունները շարունակվելու են: Շատ կարևոր է, որ ԼՂ-ն վերադառնա բանակցային սեղանի շուրջ»: |
«Նպատակը վեթինգը չէ, այլ՝անկախ, անաչառ և սկզբունքային դատարաններ ունենալը». Նիկոլ Փաշինյան
28Երեկ, 21:35
««Թեժ գիծն» աշխատում է, բայց դա չի երաշխավորում, որ մենք զոհեր չենք ունենա սահմանին». Նիկոլ Փաշինյան
47Երեկ, 21:20
«Իրենց տերերի դռների տակ վնգստում են, թե եկեք մեզ տիրություն արեք». Փաշինյանը՝ ներկայիս դատական համակարգի մասին
35Երեկ, 20:55
ՀՀ վարչապետը՝ իր պաշտոնավարման ժամանակաշրջանի ամենամեծ հաջողության մասին
31Երեկ, 19:25