Երկուշաբթի, 24 փետրվարի, 2020 թ.
|
Ստեփանակերտում`   0 °C

Պայմանավորվածություն է ձեռք բերվել գույքագրելու ռազմարդյունաբերական համալիրի ոլորտի այն արտադրանքները, որոնք թողարկվում են ՀՀ-ում

Պայմանավորվածություն է ձեռք բերվել գույքագրելու ռազմարդյունաբերական համալիրի ոլորտի այն արտադրանքները, որոնք թողարկվում են ՀՀ-ում
438
Հինգշաբթի, 29 օգոստոսի, 2019 թ., 12:00

Երեկ՝ ռազմաարդյունաբերական ոլորտի ընկերությունների ներկայացուցչիների հետ հանդիպմանը, պայմանավորվածություն է ձեռք բերվել գույքագրելու այն արտադրանքները, որոնք թողարկվում են ՀՀ-ում: Այսօր կառավարության նիստի ժամանակ հայտարարեց ՀՀ վարչապետ Նիկոլ Փաշինյանը:

«Կկազմենք Զինված ուժերի առաջիկա հինգ տարվա մոտավոր պահանջարկի պլանը: Կաշխատենք երկու ուղղությամբ. կառավարությունը խնդիր կդնի, որ տեղական արտադրողից լինեն գնումները՝ պայմանով, եթե տեղական արտադրողներն ի ցույց դնեն իրենց արդյունավետությունը բարձրացնելու, ինքնարժեքը ցածրացնելուն ուղղված կոնկրետ գործողություններ: Այսինքն՝ պետք է հասկանանք, որ սա երկկողմանի պրոցես է լինելու, որտեղ և՛ կառավարությունը, և՛ արտադրողներն ապացուցելու են արդյունավետությունը բարձրացնելու, նորարարությունների շրջանակում գործելու իրենց մարտավարությունն ու ռազմավարությունը: Սա ձևակերպում ենք որպես հանձնարարական և աշխատում ենք մեկամսյա պարբերականությամբ»,- հանձնարարեց ՀՀ վարչապետը: