Երեքշաբթի, 19 մարտի, 2024 թ.
|
Ստեփանակերտում`   +5 °C

Աբրահամ Խաշմանյանը՝ Հայաստանի ազգային հավաքականի գլխավոր մարզիչ. պաշտոնական

Աբրահամ Խաշմանյանը՝ Հայաստանի ազգային հավաքականի գլխավոր մարզիչ. պաշտոնական
546
Չորեքշաբթի, 06 նոյեմբերի, 2019 թ., 19:45

Երեկ տեղեկատվություն տարածվեց, որ Հայաստանի ֆուտբոլի ազգային հավաքականի մարզիչ է նշանակվել ռուսաստանահայ Ալեքսանդր Գրիգորյանը: Մամուլում տեղեկություններ էին տարածվում, որ այս նշանակումն Արթուր Վանեցյանը կատարել է՝ դեմ գնալով ֆուտբոլային աշխարհի բազմաթիվ ներկայացուցիչների կարծիքին:

Քիչ առաջ, սակայն, ՀՖՖ պաշտոնական կայքը հաղորդագրություն տարածեց, որում մասնավորապես ասվում է, որ Հայաստանի ազգային հավաքականի գլխավոր մարզիչ է նշանակվել Աբրահամ Խաշմանյանը։ Պայմանագիրը նախատեսված է մինչև 2020 թ. նոյեմբերի 30-ը:
ՀՖՖ նախագահ Արթուր Վանեցյանը հաջողություն է մաղթել Աբրահամ Խաշմանյանին Հայաստանի ազգային հավաքականի գլխավոր մարզչի պաշտոնում.
«Նախապատվություն եմ տվել հայաստանցի ամենափորձառու մարզիչներից մեկին: Հաջողություն եմ մաղթում նրան: 2019 թ. ընթացքում Հայաստանի ազգային հավաքականը տարել է մի քանի տպավորիչ հաղթանակ: Հուսով եմ, որ նոր մարզչի գլխավորությամբ մեր թիմը կրկին կուրախացնի երկրպագուներին»:

Աբրահամ Միքայելի Խաշմանյանը ծնվել է 1967 թվականի նոյեմբերի 11-ին՝ Երևանում։

Որպես ֆուտբոլիստ խաղացել է հետևյալ ակումբներում․

Արարատ Երևան (1984-1990)
Կոտայք (1991-1992)
Շիրակ (1992-1993)
ՀՄԸՄ (1994)
Հոմենեթմեն Բեյրութ (1994-1996)
Երևան (1997-1998)
Էրեբունի (1999)
Միկա (2000-2001)

Մարզչական կարիերայի ընթացքում գլխավորել է հետևյալ թիմերը․

Կիլիկիա (2008-2010)
Գանձասար (2010-2012)
Արարատ (2012-2014, 2018-2019)
Հայաստանի Մ-19 հավաքական (2013)
Հայաստանի Մ-21 հավաքական (2013-2014)
Ալաշկերտ (2014-2017, 2017-2018, 2019)

Նվաճումները որպես մարզիչ.

Հայաստանի կրկնակի չեմպիոն (2015-2016, 2016-2017)
Հայաստանի գավաթակիր (2018/2019)
Հայաստանի սուպերգավաթակիր (2016)